Landsbankinn

Lög um verðbréfaviðskipti

Með lögum nr. 108/2007, um verðbréfaviðskipti var innleidd í íslenskan rétt tilskipun Evrópusambandsins um markaði fyrir fjármálagerninga (e. Markets in Financial Instruments Directive eða svokölluð MiFID-tilskipun) og tilskipun um samræmingu krafna um gagnsæi í tengslum við upplýsingar um útgefendur verðbréfa sem eru skráð á skipulegan markað (e. Transparency Directive eða gagnsæistilskipunin).

MiFID-tilskipunin nær til allra ríkja á EES svæðinu, þ.e. aðildarríkja ESB auk Íslands, Noregs og Liechtenstein. Með lögunum breyttust ýmsar mikilvægar reglur sem lúta að því hvernig staðið skal að verðbréfaviðskiptum. Markmið laganna er að setja samræmdar reglur um neytendavernd fjárfesta og skapa sameiginlegan innri markað með fjármálaþjónustu. Lögð er áhersla á aukið eftirlit, faglega framkvæmd og upplýsingagjöf. Þá er löggjöfinni ætlað að tryggja að þeir viðskiptavinir fjármálafyrirtækja, sem eiga í verðbréfaviðskiptum, fái ávallt viðeigandi upplýsingar og ráðgjöf. Til þess að svo megi verða eru lagðar auknar skyldur á viðskiptavini um upplýsingagjöf til fjármálafyrirtækja.

Samþykki viðskiptavina

Til að verðbréfaviðskipti geti gengið eðlilega fyrir sig þurfa viðskiptavinir Landsbankans að samþykkja eftirfarandi:

Almennir skilmálar Landsbankans um verðbréfaviðskipti

Stefna Landsbankans um framkvæmd viðskiptafyrirmæla

Útdráttur úr reglum Landsbankans um hagsmunaárekstra

Áhættulýsing vegna markaðsviðskipta með fjármálagerninga

Nánari upplýsingar

Ef þú óskar frekari upplýsinga um áhrif laga um verðbréfaviðskipti á samband þitt við Landsbankann er þér velkomið að hafa samband við fjármálaráðgjöf Landsbankans í síma 410 4040 eða tengilið þinn í verðbréfaviðskiptum innan bankans. Einnig má senda tölvupóst á netfangið .