Landsbankinn er eitt stærsta fjármálafyrirtæki landsins með víðtækasta útibúanetið.  Landsbankinn veitir einstaklingum, fyrirtækjum og fjárfestum trausta og alhliða fjármálaþjónustu sem byggir á langtíma viðskiptasamböndum.

Alhliða viðskiptabankastarfsemi er kjarninn í starfsemi bankans. Landsbankinn mun nýta öflugt útibúanet og sterka stöðu sem stærsta fjármálafyrirtæki landsins til að sækja fram.

Útibúanet Landsbankans er mjög víðfemt, útibúin eru 37 talsins um allt land. Meginsvið bankans eru Viðskiptabankasvið, Fyrirtækjasvið og Fjármálasvið. Stoðsvið og deildir eru Rekstarsvið, Lögfræðisvið, Starfsmannasvið, Hagfræðideild og Áhættustýring. Innra eftirlit bankans heyrir undir bankaráð.

Landsbankinn var stofnaður þann 9. október 2008 og er að fullu í eigu íslenska ríkisins. Bankinn tók yfir innlendar eignir Landsbanka íslands hf. til að tryggja eðlilega bankastarfsemi og öryggi innstæðna á Íslandi. Hluthafafundur þann 21 október ákvað að lögheiti nýja bankans væri NBI hf. Heildareignir Landsbankans, NBI hf. eru 1.300 milljarðar og eigið fé er 200 milljarðar, samkvæmt bráðabirgðatölum. Ásmundur Stefánsson er bankastjóri Landsbankans.

Þann 7. október 2008 ákvað Fjármáleftirlitið (FME) að nýta heimild Alþingis með vísan til 100 gr. a laga nr. 161/2002, sbr. lög nr. 125/2008, vegna sérstakra aðstæðna á fjármálamarkaði, til að taka yfir rekstur Landsbanka Íslands hf. Í kjölfar þeirrar ákvörðunar stofnaði FME Landsbankann, NBI hf til að tryggja áframhaldandi bankastarfsemi fyrir heimili og fyrirtæki í landinu.

Landsbankinn er aðili að Samtökum fjármálafyrirtækja

NBI hf.
Austurstræti 11	Kt: 471008 0280	Sími: 410 4000
101 Reykjavík	Swift: NBIIISRE	Fax: 410 3040
Ísland	Vsk númer: 99356