Fréttir og tilkynningar - 21. júlí 2010 11:04
Allir vinna með Landsbankanum
Landsbankinn leggur nú sitt af mörkum til verkefnisins Allir vinna, sem er hvatningarátak stjórnvalda og aðila vinnumarkaðarins til atvinnuskapandi framkvæmda í nánustu framtíð.
Af þessu tilefni hefur Landsbankinn ákveðið að bjóða viðskiptavinum sínum annars vegar sérstök Framkvæmdalán og hins vegar Lán til góðra verka.
Framkvæmdalán eru langtímalán á sömu kjörum og fasteignalán. Með þeim býðst viðskiptavinum að fjármagna viðamiklar endurbætur á íbúðarhúsnæði á hagstæðum kjörum til langs tíma. Lántökugjald sem venjulegast nemur 1% af lánsfjárhæð er ekkert og við lántöku fellur bankinn frá öllum gjöldum á hans vegum. Lánsfjárhæð getur numið allt að 70% af markaðsvirði húsnæðis.
Lán til góðra verka eru lægri lán til styttri tíma. Þau eru að hámarki 2 milljónir króna, vextir eru 2% lægri en á óverðtryggðum íbúðalánum og lántökugjald er ekkert.
Umsóknarfrestur fyrir Lán til góðra verka er til 1. desember. Lántökugjald vegna Framkvæmdalána fellur niður til sama tíma.
Allir vinna er hvatningarátak stjórnvalda og aðila vinnumarkaðarins um atvinnuskapandi framkvæmdir á Íslandi. Þeir sem ráðast í framkvæmdir á heimilinu eiga rétt á 100% endurgreiðslu á virðisaukaskatti af vinnulaunum og skattafrádrætti sem getur numið allt að 300.000 kr.
Til baka