Fréttir og tilkynningar - 21. janúar 2010 17:44

50% endurgreiðsla vaxta til skilvísra viðskiptavina á næstu dögum

Landsbankinn mun í þessum mánuði endurgreiða skilvísum viðskiptavinum 50% af vöxtum íbúðalána sem voru til greiðslu í desember. Þeir viðskiptavinir sem voru í skilum með lánin 31.12.2009 og hafa ekki nýtt önnur úrræði bankans en greiðslujöfnun fá endurgreiðslu.

Endurgreiðslan verður í flestum tilvikum sjálfvirk og lögð inn á skuldfærslureikning viðskiptavina eigi síðar en 29. janúar næstkomandi.

Þeir sem ekki eiga skuldfærslureikning hjá bankanum eru beðnir um að koma reikningsupplýsingum á framfæri við bankann með því að fylla út skráningarform hér á vefnum eða hringja í Ráðgjafa- og þjónustuver i síma 410 4000.

Skráning upplýsinga þarf að berast bankanum eigi síðar en 26. janúar til að endurgreiðslan fari fram fyrir næstu mánaðarmót. Að öðrum kosti mun endurgreiðslan eiga sér stað í síðasta lagi 10 dögum eftir skráningu upplýsinga.

Opið verður fyrir skráningu til 15. febrúar, en eftir það er viðskiptavinum bent á að koma við í næsta útibúi Landsbankans eða hringja í síma 410 4000.

Reikningsupplýsingar - skráningarform

Til baka