Hvernig fæst einföld mynd af greiðslubyrði og eftirstöðvum núverandi skulda?
Þú slærð inn upplýsingar um núverandi skuldir, sem í flestum tilvikum er að finna á greiðsluseðli, eins og:
- upplýsingar um vexti
- hvort lán sé með jöfnum greiðslum eða jöfnum afborgunum
- eftirstöðvar láns
- fjölda gjalddaga sem eftir eru
- greiðslugjald
- hvort reiknað sé með verðtryggingu
- hvort lánið skuli greitt upp með nýju láni
Jafnar greiðslur
Lán með jöfnum greiðslum er þannig að greiðslubyrði er dreift jafnt á allt lánstímabilið.
Við stöðugt verðlag eru upphafsgreiðslur því hinar sömu og lokagreiðsla. Á fyrri hluta lánstíma
eru greiðslur á gjalddaga töluvert lægri af jafngreiðsluláni en afborganaláni, en hlutfallið
snýst við þegar fram í sækir. Heildarvaxtagreiðsla á lánstíma af jafngreiðsluláni er hærri en
af afborganaláni því að höfuðstóllinn greiðist hægar niður.
Jafnar afborganir
Lán með jöfnum afborgunum er þannig að afborgun af höfuðstól helst óbreytt á lánstíma.
Vextir á gjalddaga reiknast þá af síminnkandi höfuðstól. Heildargreiðslur á gjalddaga eru
því hæstar í upphafi lánstíma en fara lækkandi eftir því sem á líður.
Þegar þú hefur slegið inn þessar upplýsingar um hvert lán ýtir þú á ?reikna? og færð mynd af þróun afborgana og eftirstöðva núverandi lána.
Hvernig fæst skýr mynd af áhrifum skuldbreytinga?
Ef þú vilt fá upplýsingar um áhrif þess að skuldbreyta eða endurfjármagna eldri lán velur þú tegund skuldbreytingarláns í felliglugga hér að neðan og slærð inn umbeðnar forsendur.
Með því að slá á ?reikna? færð þú upplýsingar um afborganir og þróun eftirstöðva af nýju láni ásamt óskuldbreyttum eldri lánum, í samanburði við þau lán sem þú kýst að skuldbreyta.
Aðstoð:
Ef þú hefur einverjar spurningar er þér velkomið að hafa samband við okkur í síma 410 4000, senda okkur tölvupóst á: landsbanki@landsbanki.is eða líta við í næsta útibúi.