Endurútreikningur fasteignalána í erlendri mynt

Einstaklingar með fasteignalán í erlendri mynt á formi veðskuldabréfs geta nú sótt um endurútreikning á vefnum. Viðskiptavinir sem velja endurútreikning geta ákveðið sjálfir hvort miðað verði við verðtryggða eða óverðtryggða vexti Seðlabanka Íslands, í samræmi við tilmæli SÍ og FME, frá því að lánið var tekið.

Nánar

Fastar greiðslur vegna fasteignalána í erlendri mynt

Viðskiptavinum er boðið að greiða 5.000 kr. mánaðarlega af hverri milljón af upphaflegum höfuðstól Fasteignalána í erlendri mynt fram til 1. nóvember 2010.

Nánar

110% aðlögun íbúðalána

Íbúðalán í erlendri mynt og íslenskum krónum eru færð niður í 110% veðhlutfall af markaðsvirði eignar. Erlendum lánum er breytt í verðtryggð eða óverðtryggð íbúðarlán í íslenskum krónum.

Nánar

Höfuðstólslækkun lána í erlendri mynt

Einstaklingum stendur nú til boða 25% lækkun á höfuðstól lána í erlendri mynt gegn því að þeim verði breytt í óverðtryggð eða verðtryggð lán í íslenskum krónum. Lækkunin verður í boði til og með 31. október 2010.

Nánar

Greiðslujöfnun verðtryggðra íbúðalána

Lækkar reglulega greiðslubyrði lána næstu misseri. Greiðslujöfnun var sett sjálfkrafa á öll verðtryggð íbúðalán 1. desember 2009. Til lengri tíma getur greiðslujöfnun leitt til aukins kostnaðar í formi vaxta og verðbóta til lengri tíma.

Nánar

Greiðslujöfnun lána í erlendri mynt

Nú geta viðskiptavinir með erlend lán sótt um greiðslujöfnun. Með greiðslujöfnun mun greiðslubyrði lána verða tímabundið lægri. Til lengri tíma litið getur greiðslujöfnun þó leitt til aukins kostnaðar í formi vaxta. Með greiðslujöfnun hefur gengisþróun ekki áhrif á greiðslubyrði.

Nánar

Eingöngu vaxtagreiðslur

Viðskiptavinir geta sótt um að greiða eingöngu vexti af lánum með veði í íbúðarhúsnæði í allt að 12 mánuði. Ef lán er í vanskilum er sá möguleiki skoðaður að skuldbreyta vanskilunum.

Pantaðu fjármálaviðtal eða komdu við í næsta útibúi .

Tímabundin föst greiðsla af íbúðalánum  í íslenskum krónum

Viðskiptavinum býðst að létta greiðslubyrði sína með því að greiða tímabundið fasta greiðslu af íbúðalánum. Ef lán er í vanskilum er sá möguleiki skoðaður að skuldbreyta vanskilunum.

Pantaðu fjármálaviðtal eða komdu við í næsta útibúi .

Frysting

Frestun afborgana og greiðslu vaxta af lánum með veði í íbúðarhúsnæði í allt að 3 ár að uppfylltum ákveðnum skilyrðum. Engar greiðslur eiga sér stað á frestunartímabilinu en höfuðstóll fer hækkandi sem nemur áföllnum vöxtum og verðbótum. Ef viðskiptavinur hefur áður fengið frystingu dregst lengd þeirrar frystingar frá. Ef lán er í vanskilum er sá möguleiki skoðaður að skuldbreyta vanskilunum.

Pantaðu fjármálaviðtal eða komdu við í næsta útibúi .

Frestun vegna sölutregðu

Þeir sem eru að byggja eða hafa keypt fasteign en hefur ekki tekist að selja eignina sem þeir áttu fyrir, geta óskað eftir að fresta greiðslu afborgana af höfuðstól og vaxtagreiðslum af annarri eigninni. Þegar frystingu er aflétt bætast vextir og verðbætur við höfuðstólinn og greiðslubyrðin er umreiknuð.

Pantaðu fjármálaviðtal eða komdu við í næsta útibúi .

Útgreiðsla viðbótarlífeyrissparnaðar

Viðskiptavinir geta sótt um að fá allt að 2.500.000 kr. af viðbótarlífeyrissparnaði sínum greiddan út með jöfnun greiðslum á 23 mánaða tímabili og nemur útgreiðsluupphæðin 111.111 kr. á mánuði fyrir skatt. Óska má eftir þessari fyrirframgreiðslu til 1. apríl 2011.

Nánar

Sértæk skuldaaðlögun

Ætluð þeim sem eru í verulegum greiðsluerfiðleikum og önnur vægari úrræði duga ekki til. Skuldaaðlögun felur í sér samning milli kröfuhafa og lántaka. Standi lántaki við gerðan samning getur skuldaaðlögun falið í sér eftirgjöf krafna, hlutfallslega lækkun þeirra eða gjaldfrest á kröfum umfram greiðslugetu.

Nánar

Opinber greiðsluaðlögun

Ætluð þeim sem hafa leitað annarra tiltækra greiðsluerfiðleikaúrræða sem eru í boði hjá lánastofnunum og sýnt fram á að þau úrræði hafa reynst ófullnægjandi.

Nánar á island.is og vef Ráðgjafarstofu um fjármál heimilanna .

Tæki til að takast á við fjármál heimilisins

Fyrsta skrefið í að öðlast betri yfirsýn yfir fjármálin er að skoða útgjöld og tekjur heimilisins. Hér fyrir neðan er hægt að nálgast sjálfvirkt heimilisbókhald og einfalt stöðumat sem veita skýra yfirsýn yfir fjárreiður heimilisins. Í fjármálaviðtali fer starfsmaður Landsbankans yfir stöðuna og skoðar hvort og til hvaða sameiginlegu aðgerða þurfi að grípa.