Landsbankinn býður fjölbreytta lánamöguleika sem er ætlað að mæta ólíkum þörfum viðskiptavina. Komdu við í næsta útibúi Landsbankans og fáðu aðstoð starfsfólks við að meta hvaða lánamöguleikar henta þér best.
Hægt er að fá yfirdráttarlán á debet- og tékkareikninga hjá Landsbankanum. Yfirdráttarlán er sveigjanlegt lánsform sem hentar vel til að mæta tímabundinni fjárþörf eða fjármagna skammtímasveiflur í útgjöldum.
Lán til íbúðakaupa eða nýbygginga eru fyrir einstaklinga sem hafa launareikning sinn hjá bankanum. Lánin eru verðtryggð og veitt gegn fyrsta veðrétti í fasteign.
Óverðtryggð íbúðalán í íslenskum krónum henta þeim viðskiptavinum sem vilja greiða lán sín hraðar niður og forðast uppsöfnun verðbóta á höfuðstól. Lánað er til fasteigna-kaupa, endurfjármögnunar á eldri lánum, nýbyggingar eða endurbóta á fasteign.
Framkvæmdalán vegna nýbygginga eru fyrir þá viðskiptavini Landsbankans sem vantar fjármagn til að koma íbúðarhúsnæði sínu á það byggingarstig að heimilt sé að veðsetja eignina fyrir Íbúðaláni eða Fasteignaláni.
Landsbankinn býður upp á mörg úrræði fyrir heimili sem eiga við greiðsluerfiðleika að etja. Við aðstoðum þig við að velja lausn sem kemur til móts við þínar þarfir.