Vegvísir - greining og markaðir - 8. desember 2004 16:14

KB banki selur hlut í Baugi Group

KB banki hefur selt 8,26% hlutafjár í Baugi Group að því er fram kemur í tilkynningu frá bankanum í dag en kaupandi hlutanna er fjárfestingarfélag í eigu Kevin Stanford, Magnúsar Ármanns og Sigurðar Bollasonar. Eftir söluna á KB banki 11,5% hlut í Baugi. Fram kemur í tilkynningunni að innleystur söluhagnaður bankans vegna þessara viðskipta nemi um 1 ma.kr. Í nýlegu verðmati á KB banka var dulin eign í Baugi metin á 3,6 ma.kr. en samkvæmt útreikningum Greiningardeildar, miðað við framangreind viðskipti, þá er dulin eign í Baugi um 2,7 ma.kr. ef eftirstandandi eignarhlutur yrði seldur á sama verði.

Til baka